இல்லற வாழ்வில் இணையும் டாக்டர் சுதேஷ் - டாக்டர் தீபா திருமண வாழ்த்து!
வீரபாண்டிய கட்டபொம்மன் இராஜகம்பள சமுதாய நலச்சங்க குடும்ப உறுப்பினர்களின் இல்ல இணையேற்பு விழா இன்று (28.05.2025) நடைபெறவுள்ளதையடுத்து மணமக்களுக்கு சங்கத் தலைவர் வாழ்த்து தெரிவித்துள்ளார்.
திண்டுக்கல் மாவட்டம், நிலக்கோட்டை தாலுகா ஜெயநாயக்கன்பட்டியைச் சேர்ந்தவர் திரு.எம்.கணேசன். இவர் சென்னை காட்டாங்குளத்தூரிலுள்ள SRM பல்கலைக்கழகத்தில் பணியாற்றி வருகிறார். திரு.கணேசன் - திருமதி.லதா ஆகியோரின் மூத்த மகன் டாக்டர்.மு.க.சுதேஷ் M B.B.S., M.D., - க்கும், மதுரை மாவட்டம், பேரையூர் தாலுக ம.அய்யம்பட்டி, மல்லப்புரம் கிராமத்தைச் சேர்ந்தவரும், சென்னை பூவிருந்தவல்லி சென்னீர்குப்பம் அரசு மேல்நிலைப்பள்ளி ஆசிரியர் திரு. கே.இராஜூக்காளை - திருமதி ஜெயா அவர்களின் மூத்த மகள் டாக்டர் இரா. தீபா M.B.B.S., ஆகியோரின் இணையேற்புவிழா இன்று (28.05.2025) காலை எம்.கல்லுப்பட்டி சரவணா மஹாலில் நடைபெறவுள்ளது.
இத்திருமண விழாவை மதுரை வேலம்மாள் கல்வி அறக்கட்டளை நிறுவனத் தலைவர் திரு.M.V.முத்துராமலிங்கம் தலைமையேற்று நடத்தி வைக்கவுள்ளார். மேலும் இத்திருமணவிழாவில் சமுதாய தலைவர்கள், அரசியல் கட்சிப் பிரமுகர்கள் மற்றும் உள்ளாட்சிப் பிரதிநிதிகள் பலரும் கலந்து கொண்டு மணமக்களை வாழ்த்துகின்றனர்.
இராஜ கம்பள சமுதாய நலச்சங்க குடும்ப உறுப்பினர்களான திரு.கணேசன் - திரு. இராஜுக்காளை ஆகியோரின் இல்லத் திருமண விழாவிற்கு சங்கத் தலைவர் எஸ்.இராதாகிருஷ்ணன் மணமக்களுக்கு வாழ்த்து தெரிவித்துள்ளார்.
