ஈமு கோழிகளோடு போர் செய்து தோற்ற ஆஸ்திரேலிய அரசு!

ஆஸ்திரேலியாவில் நடந்த இந்த ஈமு போர் (Great Emu War) வரலாற்றிலேயே மிகவும் வினோதமான ஒன்றாகக் கருதப்படுகிறது. அதிநவீன ஆயுதங்களுடன் சென்ற ராணுவம், வெறும் பறவைகளிடம் தோற்றுப் போனதுதான் இதன் சுவாரஸ்யம். இது பற்றிய முழுவிவரம் வருமாறு,

முதலாம் உலகப் போரிலிருந்து திரும்பிய வீரர்களுக்கு மீள்குடியேற்றத்திற்காக அஸ்திரேலிய அரசாங்கம் அந்நாட்டின் மேற்குப்பகுதியில் இலவசமாக நிலம் வழங்கியதுடன் கோதுமை விவசாயத்தை ஊக்குவித்தது. மேலும் பயிர் உற்பத்தியை அதிகரிக்க அரசாங்கம் மானியங்களை அள்ளி வழங்கியது.ஆனாலும், அப்போது நிலவிய உலகப் பெரும் மந்தநிலையால் கோதுமையின் விலை மிகவும் சரிந்தது.

ஒருபுறம் சந்தையில் கோதுமைக்கு போதிய விலை இல்லை. மறுபுறம் கோதுமை வேளாண்மையை சீரழிக்க 20,000 ஈமு பறவைகள் படையெடுத்தது.புதிதாக உருவாக்கப்பட்ட வயல்வெளிகள், கால்நடைகள் மற்றும் குதிரைகளுக்கு ஒதுக்கப்பட்ட தீவனங்கள் அனைத்தும் ஈமுக்களின் உணவாக மாறியது. விளைநிலங்களில் கூட்டமாக அத்துமீறி நுழைந்து பயிர்களை தின்று நாசம் செய்தது. முதலாம் உலகப் போரில் பணியாற்றிய முன்னாள் இராணுவ வீரர்கள் அடங்கிய விவசாயிகள் பிரதிநிதிகள் குழு, ஆஸ்திரேலியாவின் பாதுகாப்புத் துறை அமைச்சர் சர் ஜார்ஜ் பியர்ஸை சந்தித்த விவசாயிகள், ஈமு கோழி ஒழிப்புக்கு இயந்திரத் துப்பாக்கிகளை பயன்படுத்த கோரிக்கை விடுத்தனர். மத்திய அரசு இயந்திரத் துப்பாக்கிகளையும், ராணுவத்தினரையும் பயன்படுத்தவும், அதற்கான முழு செலவையும் ஈமுக் கோழிகளால் பாதிக்கப்பட்ட மேற்கு ஆஸ்திரேலியா மாநில அரசே ஏற்க வேண்டும் என்ற நிபந்தனையுடன் அனுமதியளித்தது.

மேற்கு ஆஸ்திரேலியாவின் கேம்பியன் மாவட்டம் ஈமு கோழிகளின் தொந்தரவின் மையமாக இருந்தது. 50 பறவைகள் கொண்ட குழுவை வேட்டைக் குழுவினர் கண்டனர். ஈமுக்கள் ஒரு மணி நேரத்திற்கு 50 கி.மீ வேகத்தில் ஓடக்கூடியவை. துப்பாக்கிச் சூடு தொடங்கியதும் அவை குழுக்களாக சிதறி ஓடின. ஒவ்வொரு குழுவிற்கும் ஒரு "காவல் பறவை" இருந்தது, அது ராணுவம் வருவதைக் கவனித்து எச்சரிக்கை செய்தது. இதனால் வீரர்களால் சரியாகக் குறிவைக்க முடியவில்லை.முதல் நாள் முடிவில், "ஒரு டசனுக்கும் அதிகமான ஈழு கோழிகளை மட்டுமே" கொல்லப்பட்டதாக ஒரு அறிக்கை கூறியது.

இரண்டு நாட்களுக்குப் பிறகு, ஒரு அணைக்கு அருகில் சுமார் ஆயிரம் ஈமுக்கள் காணப்பட்டது. ராணுவ வேட்டையாளர்கள் ஈமு கோழிகள் மீது துப்பாக்கிச் சூடு நடத்தியதில். 12 ஈழு பறவைகள் இறந்தது. மீதிப் பறவைகள் அனைத்தும் சிதறின.

மோட்டார் வண்டியில் இயந்திரத் துப்பாக்கியை இணைத்து, ஈழு கோழிகளை பின்தொடர்ந்து செல்வதற்கான முயற்சிகளும் தோல்வியடைந்தது.. சமதள மோட்டார் வண்டி சவாரியின் போது ஒரு குண்டைக் கூட சுட ஈமு கோழி மீது சுட முடியவில்லை. பறவைகளின் வேகத்தில், கரடுமுரடான சாலையில் மோட்டார் வாகனங்கள் செல்ல முடியவில்லை.

எட்டு நாட்கள் பணியில் சுமார் 2,500 ஈமு வேட்டைக்காரர்கள் பேர் பணிநீக்கம் செய்யப்பட்டனர். 50 ஈமுக்கள் மட்டுமே இறந்ததாக பல அறிக்கைகள் கூறுகின்றன. 200-500 பறவைகள் கொல்லப்பட்டதாக வேறு சில தகவல்கள் கூறுகின்றன. படைக்கு எந்த உயிரிழப்பும் ஏற்படவில்லை என்று மெரிடித் தெரிவித்தார்.

அப்போதைய பறவை கண்காணிப்பாளரான டொமினிக் செர்வென்டி இந்த பயணத்தில் ஈமு வேட்டைக்காரர்களுடன் பயணம் செய்தார். அவரின் கூற்றுப்படி, “ஈமு மந்தைக்குள் விரைந்து சென்று அவற்றை எளிதாகக் கொன்றுவிடலாம் என்று இயந்திர துப்பாக்கி ஏந்தியவர்களின் கணக்கு அனைத்து வீண் ஆனது“.. ஈமு கோழிகளை அடக்க கொரில்லா உத்திகளைப் பயன்படுத்த இராணுவம் முடிவு செய்தது. ஆனால் ஒரு மாதத்திற்குப் பிறகு போர்முனையில் இருந்து பின்வாங்கியது.

ஈமு கோழி கொல்லும் பணி நவம்பர் 2, 1932 இல் தொடங்கியது.நவம்பர் 8ஆம் தேதி ஆஸ்திரேலிய நாடாளுமன்றம் நிலைமையை ஆய்வு செய்தது. ஊடகங்கள் மற்றும் பொதுமக்களின் கடுமையான விமர்சனத்தின் காரணமாக 10 டிசம்பர் 1932 அன்று ஈமு கோழி போர் நிறுத்தம் அறிவிக்கப்பட்டது.

ஈமு போரின் தோல்வி ஆஸ்திரேலியாவிலும் சர்வதேச அளவிலும் பெரும் கேலிக்கும் விமர்சனத்திற்கும் உள்ளானது. பல செய்தித்தாள்கள் ஆஸ்திரேலிய ராணுவம் ஒரு பறவையிடம் தோற்றுவிட்டதாகத் தலைப்புச் செய்திகளை வெளியிட்டன.

மேலும் இந்தப் போரை "The Emu Comedy" என்றும் "The Great Failure" என்றும் பத்திரிகையாளர்கள் வர்ணித்தனர். கையில் துப்பாக்கியுடன் இருக்கும் வீரர்களை ஈமு பறவைகள் ஏளனம் செய்வது போன்ற கேலிச் சித்திரங்கள் உலகம் முழுவதும் பரவின.

நாடாளுமன்ற விவாதங்களின் போது எதிர்க்கட்சி உறுப்பினர்கள் பாதுகாப்பு அமைச்சரை கடுமையாகக் கிண்டல் செய்தனர்:

"இந்தப் போருக்காக வீரர்களுக்கு பதக்கங்கள் (Medals) வழங்கப்படுமா?" என்று ஒரு உறுப்பினர் கிண்டலாகக் கேட்டார்.

அதற்கு மற்றொருவர், "பறவைகளுக்குத்தான் பதக்கம் கொடுக்க வேண்டும், ஏனென்றால் அவைதான் போரில் வென்றன" என்று பதிலடி கொடுத்தார்.

"ஈமுக்களுக்கு எதிராகப் போர் அறிவித்த அமைச்சருக்குப் பைத்தியம் பிடித்துவிட்டது" என்ற விமர்சனங்களும் எழுந்தன.