சாதிவாரி மக்கள்தொகை கணக்கெடுப்பு நடத்த மாநில அரசுக்கு சிறப்பு அதிகாரம்!

2021 ஆம் ஆண்டு சாதிவாரியான மக்கள்தொகை கணக்கெடுப்பை மத்திய அரசு சார்பாக தமிழ்நாடு அரசே பொறுப்பேற்று நடத்த முன்வர சமூக நீதி கூட்டமைப்பினர் வேண்டுகோள்.

கடந்த 75 ஆண்டுகளாக இருளில் மூழ்கி கிடக்கும் 80 கோடி இந்திய இதர பிற்படுத்தப்பட்ட வகுப்பு OBC மக்களாகிய நாங்கள், நிதி உட்பட OBC சாதிவாரி கணக்கெடுப்பு 2021-ன் அனைத்துப் பிரச்சினைகளையும் தீர்க்கும் பொறுப்பை தமிழக அரசு ஏற்க முன்வருமாறு கேட்டுக் கொள்கிறோம். மத்திய அரசு எல்லா அரசியல் கட்சிகளும் அதன் அரசமைப்பு மற்றும் சட்டப்பூர்வ பொறுப்புகளில் இருந்து தவறிவிட்டது. 80 கோடி OBC குடிமக்களுக்கு சமமான சட்டப் பாதுகாப்பை வழங்குவதில் நீதிமன்றங்கள் மோசமாகத் தவறிவிட்டன. 

அதற்கு அரசு முன்வைக்கும் மூன்று காரணங்கள்                                                                                                                 
i 1951 ஆம் ஆண்டு முதல் சாதி விவரங்களைச் சேகரிப்பதில்லை என்ற அரசின் கொள்கை முடிவு; 

ii SC/ST மக்களுக்கு  இருப்பது போல் அரசமைப்புச் சட்ட தேவைகள் OBC மக்களுக்கு எதுவும் இல்லை; 

iii சமூகப் பொருளாதார சாதிகள் கணக்கெடுப்பு 2011 SECC 2011 இன் போது நடந்த சாதித் தரவுகளின் பிழைகள் போன்று  மக்கள் தொகை கணக்கெடுப்புத் தரவையும் சிதைத்துவிடும். ஆனால், OBC ஜாதிக் கணக்கெடுப்புக்கு அரசமைப்புச் சட்டத்தின் தேவையுள்ளது என்பது மறுக்க முடியாத உண்மை மற்றும் இந்த மூன்று காரணங்களும் எப்படி 80 கோடி ஓபிசிக்களை 80 ஆண்டுகள் ஏமாற்றப் பயன்படுத்தப்படுகின்றது என்பதை பின்வருமாறு விளக்குகின்றோம்.

சாதி விவரங்களை சேகரிக்க கூடாது என்ற 1951 கொள்கை முடிவு எடுக்கப்பட்டாலும், 1961ல் எஸ்சி/எஸ்டி சாதிகள்/பழங்குடியினர் சேகரிக்கும் வகையில் இந்தக் கொள்கை மாற்றப்பட்டது. SECC 2011ல் அனைத்து ஜாதி விவரங்கள் சேகரிக்கப்பட்டுள்ளன. எனவே ஓபிசி ஜாதிக் கணக்கெடுப்புக்கு எந்தவிதமான கொள்கை முடிவு தடையும் இல்லை என்பது குறிப்பிடத்தக்கது. ஓபிசி மக்கள் தொகை கணக்கெடுப்பை நடத்துவதற்கு சென்னை உயர் நீதிமன்றத்தின் உத்தரவை உச்ச நீதிமன்றம் ரத்து செய்ததில் கூட, ஆர்.கிருஷ்ணமூர்த்தி Vs மக்கள் தொகைக் கணக்கெடுப்பு ஆணையர் 2015 2 SCC 796 இல், பத்தி  “26.XXXX. அரசியல் அமைப்புச் சட்டத்தின் 14வது பிரிவை மீறும் வகையில் உருவாக்கப்பட்ட கொள்கை  முடிவு முற்றிலும் மனம்போன போக்கிலோ அல்லது காரணங்களால் தெரிவிக்கப்படாவிட்டாலோ அல்லது முற்றிலும் தன்னிச்சையானதாக  மற்றும் அடிப்படடையற்றதாக  இருந்தால் மட்டுமே நீதிமன்றம் தலையிட முடியும். XXXX”. அதன்படி மத்திய அரசின் கொள்கை முடிவு ஒருதலைப்பட்சமாக இருப்பதால் நீதிதிமன்றம் தலையிட்டு இருக்க வேண்டும். மேலும், 1961 முதல் மக்கள் தொகை கணக்கெடுப்பில் SC/ST சாதியினரை மட்டும் சேகரிக்கும் முடிவு மற்றும் OBC களை சேர்க்காமல் இருப்பது பாகுபாடு காட்டுவதாகும். ஏனெனில் உள்ளாட்சி அமைப்புகளில் இடஒதுக்கீட்டிற்காக SC/ST யினரைப் போலவே OBC மக்களுக்கும் அரசமைப்புச் சட்டத்தில் தேர்தல்கள், பணி மற்றும் கல்வி நிறுவனங்கள் பிரிவு 15 4மற்றும் 16 -4, 243D மற்றும் 243T சரத்துக்கள்) மேலும் பஞ்சாப் மாநிலம் & பிறர் எதிர் தேவேந்தர் சிங் & பிறர்  வழக்கில்  உச்ச நீதிமன்றத்தின் அரசமைப்பு அமர்வின் தீர்ப்பில் 2020 8 SCC 63  பத்தி “27. XXXX சரத்து 16 4 மற்றும் பிரிவு 342A இன் விதிகள், பட்டியல் சாதிகள், பழங்குடியினர் மற்றும் சமூக மற்றும் கல்வியில் பின்தங்கிய வகுப்பினருக்கு வெவ்வேறு அளவுகோல்களை ஏற்றுக்கொள்வது அனுமதிக்கப்படாது’ என்று தெளிவாக குறிப்பிட்டுள்ளது.

தவிர, பிழைகள் எழும் மற்றும் சிரமங்கள் அதிகம் என்ற பூச்சாண்டியை, ஆவணங்களும், தர்க்கமும் தகர்த்தெரிந்து பொய்யாக்குகிறது, ஏனெனில் 1872 முதல் 1941 வரை பிழைகள் மற்றும் சிரமங்கள் இல்லாமல் சாதி மக்கள் தொகை கணக்கெடுப்பு சேகரிக்கப்பட்டது. 1961 முதல் 2011 வரை, 779 எஸ்சி மற்றும் 705 எஸ்டி சமூகங்களின் விவரங்கள் பிழையின்றி சேகரிக்கப்படுகின்றன. 2479 OBC சாதியினருக்கான தரவுகளை சேகரிப்பதில் மட்டும்  பிழைகள் மற்றும் சிரமங்கள்  ஏற்படும் என்பது மோசடி வேலை. SECC 2011 இல் 8 கோடி பிழைகள் என சொல்லப்பட்டது, OBC சாதிகளின் பட்டியல் எதுவும் கணக்கீட்டாளர்களுக்கு வழங்கப்படாததால் இந்த பிழைகள் எழுந்துள்ளது, இருப்பினும் 7 கோடி பிழைகள் ஏற்கனவே சரி செய்யப்பட்டுள்ளது. இப்போது, 11.3.2022 இல் மக்கள்தொகைக் கணக்கெடுப்பு விதியும் திருத்தப்பட்டு, சுயக் கணக்கெடுப்புக்காக 6D விதி “6D” எனச் சொருகப்பட்டுள்ளது. சுய-கணக்கெடுப்பு என்றாலும் மக்கள் தொகை கணக்கெடுப்பு அட்டவணையை நிரப்புதல், இந்த விதிகளின் வேறு எந்த விதிகளுக்கும் பாரபட்சம் இல்லாமல், ஒரு நபர் சுய-கணக்கெடுப்பு மூலம் மக்கள் தொகை கணக்கெடுப்பு அட்டவணையை நிரப்பலாம், பூர்த்தி செய்யலாம் மற்றும் சமர்ப்பிக்கலாம். எனவே, மக்கள் தொகை கணக்கெடுப்பு அட்டவணையின் 13 ஆம் நெடுவரிசையில் உள்ள மத்திய/மாநில OBC பட்டியல்களின் ஒரு எளிய டாப் டவுன் மெனு அனைத்து பிழைகளையும் தடுக்கும். எல்லாவற்றிற்கும் மேலாக, இது கடினமானது என்பதால், எந்த அரசும் சட்டத்தை மீற முடியாது, ஏனெனில் தேசிய பிற்படுத்தப்பட்ட வகுப்பினருக்கான ஆணையம் NCBC சட்டம் 1993 இன் பிரிவு 9 - 2ன்படி  NCBC யின் பரிந்துரையானது அரசாங்கத்தைக் கட்டுப்படுத்தும் என்பதை தெளிவுபடுத்துகிறது. 9 2 ஆணையத்தின் அறிவுரைகள் பொதுவாக மத்திய அரசைக் கட்டுப்படுத்தும்” மேலும் இது உச்ச நீதிமன்றத்தால் ராம் சிங் & அதர்ஸ் வெர்சஸ் யூனியன் ஆஃப் இந்தியா 2015 4 SCC 697 என்ற வழக்கில் உறுதிப்படுத்தப்பட்டுள்ளது, “26XX. இந்திரா சாவ்னி தீர்ப்பில் கூறப்பட்டுள்ளது போல் மேலே எடுத்துக் காட்டப்பட்டுள்ளது மற்றும் (NCBC) சட்டத்தின் பிரிவு 9 இல் உள்ள வெளிப்படுத்தப்பட்ட விதிகள், NCBC ஆல் வழங்கப்படும் ஆலோசனைகள் பொதுவாக அரசாங்கத்தைக் கட்டுப்படுத்தும் என்பதை தெளிவாகக் குறிப்பிடுகின்றன.

எனவே தவறான செயல்களுக்கு பிழை அடிப்படையாக இருக்க முடியாது மற்றும் தரவு சேகரிப்பு தொழில்நுட்பத்தில் முன்னேற்றம் நிச்சயம் அரசமைப்புச் சட்டத்தின் லட்சியத்தை அடையவும் மற்றும் நல்ல நிர்வாகத்தை நிறைவேற்றுவதற்கு செழுமையான, செம்மையான,  துல்லியமான தரவை வழங்கும். மேலும், ஓபிசி சாதிகள் மக்கள் தொகை கணக்கெடுப்பில் சேர்க்குமாறு இந்தியப் பதிவாளர் ஜெனரலுக்கு ஆர்ஜிஐ சென்னை உயர்நீதிமன்றம் மாண்புமிகு உச்சநீதிமன்றம் கவனிக்காமல் கொள்கை முடிவில் தலையிட முடியாது என்று தீர்ப்பு வழங்கியிருப்பது சமர்ப்பிப்பதில் நாங்கள் வேதனை அடைகிறோம். பாரபட்சமான மற்றும் தன்னிச்சையான கொள்கை முடிவு மற்றும் OBC மக்கள்தொகையைக் கண்டறிய அரசமைப்பு சட்டத்தின் தேவையுள்ளது. இது கொள்கை முடிவு என்று தவறாகக் கருதப்படுகிறது, நீதிமன்றம் சட்டத்தையும் உண்மையையும்  பாராட்டி விரைவில் நீதி வழங்கும் என நம்புகிறோம்.

எனவே, இந்தியா முழுவதும் சாதி விவரங்களைச் சேகரிப்பதில் வல்லமை மிக்க அறிஞர்களை தமிழகம் பெற்றுள்ளதால், நாடு முழுவதும் சமரசம் செய்யாமல் துல்லியமான ஜாதி விவரங்களை  2021 ஆம் ஆண்டு மக்கள் தொகை கணக்கெடுப்பில் சேகரிக்கும் பொறுப்பை மத்திய அரசு சார்பாக மாநில அரசே ஏற்க முன்வந்து தற்போதைய சட்டசபையில் தமிழக அரசு தீர்மானம் நிறைவேற்ற வேண்டும் என்று சமூக நீதிக் கூட்டமைப்பு சார்பாக இந்த வெளிப்படையான வேண்டுகோள் விடுக்கிறோம். இது சமூகநீதியை தழைத்தோங்கச் செய்ய அவசியமான ஒன்று.

இப்படிக்கு   
சமூகநீதிக் கூட்டமைப்பு.

<iframe src="https://docs.google.com/forms/d/e/1FAIpQLSdZ2ucDv9HnKVyeNw8Iqx4wWie-3uPcQ2DrjiW63Lhk0W8Cew/viewform?embedded=true" width="640" height="1961" frameborder="0" marginheight="0" marginwidth="0">Loading…</iframe>